ប៉ះដល់ "តំបន់រឿងព្រេងនិទាន" ឃុំ តឹនហ្វា

ស្ថិតនៅចំកណ្តាលនៃភ្នំថ្មកំបោរទាំងបីខាងជាជាន់ៗ ជាស្រទាប់ៗ ទើបឃុំ តឹនហ្វា បានក្លាយជាផ្ចិតទឹកជំនន់ប៉ុន្មានជំនាន់មកហើយ។

ឆ្នាំណាក៏ដូច្នេះដែរ ភូមិជនបទលិចចូលទៅក្នុងសមុទ្រទឹកដ៏ធំល្វឹងល្វើយពីរបីដងក្នុងមួយឆ្នាំ។ ជាច្រើនឆ្នាំទឹកជំនន់ជន់លិចជម្រៅពី ៣ ទៅ ៥ ម៉ែត្របណ្តាលឱ្យប្រជាជនត្រូវបោះបង់ទុកចោលផ្ទះសំបែងរត់ឡើងភ្នំចៀសរង់ចាំដល់ពេលទឹកជំនន់ស្រកចុះវិលត្រលប់មកវិញ។

ស្វែងរកវិធីរស់នៅជាមួយទុក្ខវេទនា លំបាកលំបិន ប្រជាជនឃុំ តឹនហា្វ រិះគិតបានវិធីជាច្រើនប៉ុន្តែមានតម្លៃបំផុតគឺការធ្វើបានផ្ទះពោងដែលពេលទឹកជំនន់ឡើងដល់ណាផ្ទះក៏អណ្តែតឡើងដល់នោះ។

លោក ត្រឿង ស៊ន់ហ៊ុង អនុប្រធានគណៈកម្មាធិការប្រជាជនឃុំ តឹនហ្វា បានឲ្យដឹងថា បច្ចុប្បន្នភូមិមានផ្ទះពោងបណ្តែតទឹកដោយខ្លួនឯងចំនួន ៦២០ ខ្នង ផ្ទះណាក៏មានយ៉ាងតិចបំផុតមួយខ្នងទុកបង្ការប្រយុទ្ធនឹងទឹកជំនន់ដែរ។

ចាប់តាំងពីថ្ងៃមានផ្ទះ ពោង ប្រជាជនកាត់បន្ថយការបារម្ភនៅពេលរដូវភ្លៀងព្យុះមកដល់ម្តងៗ។ ពួកគាត់មានមោទនភាពអំពីផ្ទះពោងនិងគិតថាឆ្លងកាត់ទុក្ខវេទនា រស់នៅបន្ស៊ាំទៅនឹងធម្មជាតិដូចជាឃុំ តឹនហ្វា នោះគឺកម្រមានកន្លែងណាដូចបាន។

ឃុំ តឹនហ្វា ពោរពេញទៅដោយទុក្ខវេទនាប៉ុន្តែធម្មជាតិក៏មានភាពយុត្តិធម៌ណាស់ដែរខណៈពេលប្រទានធនធាននិងរមណីយដា្ឋនជាច្រើនអោយដែនដីនេះដែលកម្រមានទីកន្លែងណាមានឡើយ។

ឆ្នាំ ២០១១ ក្រុមហ៊ុនទទួល ខុសត្រូវមានកម្រិត ជួម៉ែដឹត (Oxalis) មកឃុំ តឹនហ្វា វិនិយោគលើការធ្វើអាជីវកម្មទេសចរណ៍។ ផ្តើមពីនេះ រូបភាពទាំងឡាយដ៏ស្រស់ស្អាតគ្មានទីបញ្ចប់អំពីជ្រលងភ្នំស្មៅបៃតងលាតសន្ធឹងដាច់កន្ទុយភ្នែក ប្រព័ន្ធរូងភ្នំ ទូឡាន រួមជាមួយនឹងទន្លេ រ៉ាវណាន ដ៏សែនមនោរម្យបានទៅដល់មនុស្សជុំវិញពិភពលោកហើយ។

អញ្ជើញទៅកាន់ឃុំ តឹនហ្វា ទេសចរ ធ្វើដំណើរតាមធួររុករកស្វែងយល់ ទូឡាន ទទួលទានម្ហូបអាហាររបស់ប្រជាជនអន្តោគ្រាមនៅឃុំ តឹនហ្វា ។ល។ តែងតែបន្សល់ទុកនូវចំណាប់អារម្មណ៍ក្នុងបេះដូងភ្ញៀវទេសចរជានិច្ច។

ប្រជាជនឃុំ តឹនហ្វា ចាប់ផ្តើមរប៉េះរប៉ោះដើរតាមក្រុមហ៊ុនទទួលខុសត្រូវមានកម្រិត ជួម៉ែដឹត (Oxalis) ធ្វើទេសចរណ៍ ស្វែងរកការងារធ្វើ រួមចំណែកលើកកម្ពស់ប្រាក់ចំណូល កែលម្អជីវភាពរស់នៅ។ រហូតមកទល់ពេលនេះ ទូទាំងឃុំមានមនុស្សចំនួន ១២០ នាក់ធ្វើទេសចរណ៍ជាប្រចាំដោយមានប្រាក់ចំណូលជាមធ្យមពី ៨ ដល់ ១០ លានដុងក្នុងមួយខែ។

ព្រមជាមួយនឹងនោះ សកម្មភាពទេសចរណ៍ទាំងឡាយនៅឃុំ តឹនហ្វា ក៏បានបង្កើតការងារធ្វើបន្ថែមដោយប្រយោលជូនពលករទាំងរយនាក់ទៀតផង។ គិតដោយឡែកឆ្នាំ ២០២៣ ប្រជាជនក្នុងឃុំលក់ទំនិញបម្រើទេសចរណ៍បានជាង ៥ ពាន់លានដុង។

មិនត្រឹមតែនៅស្ងៀមប៉ុណ្ណោះនោះទេ ប្រជាជនជាច្រើននៅឃុំ តឹនហ្វា ក៏បានក្លៀវក្លាហ៊ានប្រែក្លាយទុក្ខវេទនាទឹកជំនន់ លំបាកលំបិនទៅជាឧត្តមភាព ដើម្បីអភិវឌ្ឍទេសចរណ៍។

ផ្ទះពោងបណ្តែតទឹកដោយខ្លួនឯងជាច្រើនត្រូវបានប្រជាជនឃុំ តឹនហ្វា វិនិយោគលើគ្រឿងសម្ភារៈបន្ថែមប្រែក្លាយទៅជា homestay ទាំងឡាយជួយភ្ញៀវទេសចរមានឱកាសឆ្លងកាត់បទពិសោធន៍ជីវភាពទឹកជំនន់។

ហេតុដូច្នេះហើយ មនុស្សមិនតិចទេអញ្ជើញមកកាន់ឃុំ តឹនហា្វ បាន ផ្តល់មតិថា លក្ខណៈដ៏ល្អឯកមានដោយឡែកតែនៅកន្លែងនេះ គឺគំរូសកម្មភាពទេសចរណ៍បន្ស៊ាំទៅនឹងធាតុអាកាស...

អត្ថបទ៖ ម៉ាញ់ថាញ់
រូបថត៖ អានថាញ់ដាត និងឯកសារ Oxalis
បញ្ចូលទិន្នន័យដោយ៖ យ័ញលើយ