លោក វូ វ៉ាន់ណាម បានឱ្យដឹងថា ការដាំក្រូចតាមស្តង់ដារ VietGAP មិនត្រឹមតែធានាដល់សុខភាពជូនអ្នកផលិតប៉ុណ្ណោះទេ ថែមទាំងអតិថិជនក៏កាន់តែស្ងប់ចិត្តថែមទៀត នៅពេលបរិភោគប្រើប្រាស់ ព្រមទាំងផ្តល់ប្រាក់ចំណេញខ្ពស់ជាងបើប្រៀបធៀបជាមួយនឹងវិធីសាស្រ្តដាំដុះធម្មតា។ រដូវក្រូចឆ្នាំ ២០២៣ គ្រួសារលោក ណាម សប្បាយចិត្តជាខ្លាំងនៅពេលមានឈ្មួញកណ្តាល ផ្សារទំនើបជាច្រើនមកធ្វើការកម្មង់និងប្រមូលទិញ។
លោក ផាម ក្វឹកហ៊ុង នាយកមជ្ឈមណ្ឌលដំណាំឈើហូបផ្លែស្រុក ហាមអៀន មានប្រសាសន៍ថា ហាមអៀន ជាស្រុកនាំមុខគេក្នុងកម្មវិធីអភិវឌ្ឍដំណាំក្រូចតាមទិសដៅសរីរាង្គ។ បច្ចុប្បន្ន ស្រុកមានផ្ទៃដីដាំក្រូចជាង ៥.១០០ ហិកតា ក្នុងនោះផ្ទៃដីដាំក្រូចចងសក់មានអត្រាជិត ៨០%។ ឆ្នាំ ២០២៣ អ្នកដាំក្រូចនៅស្រុក ហាមអៀន ទទួលរដូវ "ក្រូចផ្អែម" ដោយមានផ្ទៃដី ជាង ៤.៨០០ ហិកតាឱ្យប្រមូលផល ទិន្នផលជាមធ្យមចំនួន ១៤ តោនក្នុងមួយហិកតា បរិមាណផលចំនួន ៦៧.៧០០ តោន ផលចំណូលសរុបសម្រេចបានជាង ៦២០ ពាន់លានដុង៕
អត្ថបទនិងរូបថត៖ ក្វាងកឿង
បញ្ចូលទិន្នន័យ៖ ចន្ថា
