ផ្តើមពីប្រភពទុននៃកម្មវិធីគោលដៅជាតិកាត់បន្ថយភាពក្រីក្រប្រកបដោយចីរភាព ឃុំ អាយុន បានឧបត្ថម្ភគោបន្តពូជជូនប្រជាជនចំនួន ២២ ក្រុមគ្រួសារនៅភូមិ អាមីល (គោ ១ ក្បាលក្នុងមួយក្រុមគ្រួសារ) ដោយមានថវិកាសរុបជាង ៤២២ លានដុង ផ្តល់ជូនគោឱ្យប្រជាជនចំនួន ២០ ក្រុមគ្រួសារនៅភូមិ អាចុង ដោយមានថវិកាសរុបចំនួន ៣៨៤ លានដុង។ល។
បង ស៊ីវ ឡូហ៍ នៅភូមិ ហ្វាត់ ឃុំ អាយុន អោយដឹងថា ផ្ទះបងមានមនុស្ស ៤ នាក់ ស្ថិតក្នុងក្របខ័ណ្ឌក្រុមគ្រួសារក្រីក្រពីព្រោះគ្រួសារដាំដុះបានត្រឹមតែស្រូវ ដំឡូងមីបន្តិចបន្តួចប៉ុណ្ណោះ មួយឆ្នាំៗ រកចំណូលបានប្រហែល ២០ លានដុង។ ត្រូវបានរដ្ឋឧបត្ថម្ភគោបន្តពូជ បងសប្បាយចិត្តខ្លាំងណាស់ ចាត់ទុកដូចជាកម្លាំងចលករដើម្បីឈោងឈានឡើងរួចផុតពីភាពក្រីក្រ។
យោងតាមលោក ឡេ មិញត្រៀវ អនុប្រធានគណៈកម្មាធិការប្រជាជនស្រុក ជឺសេ បានឲ្យដឹងថា រាល់ប្រភពទុនឧបត្ថម្ភបានពង្រីកប្រសិទ្ធភាព រួមចំណែកកាត់បន្ថយអត្រាក្រុមគ្រួសារក្រីក្រ ជិតខ្សែបន្ទាត់នៃភាពក្រីក្រនៅលើភូមិសាស្រ្តឃុំ អាយុន។
បន្ទាប់ពីដាក់ដំណើរការដើមទុនពីកម្មវិធីគោលដៅជាតិផ្សេងៗ អស់រយៈពេល ២ ឆ្នាំឃុំ អាយុន ត្រូវបានវិនិយោគ ជួសជុលផ្លូវប្រវែង ៤ គីឡូម៉ែត្រគម្រោងវិទ្យុផ្សាយសំឡេងឥតខ្សែបច្ចេកទេសឌីជីថលចំនួន ១ គម្រោងពិពិធកម្ម ការងាររកស៊ីចិញ្ចឹមជីវិតចំនួន ៥ ផ្តល់ជូនមេគោបន្តពូជជូនប្រជាជនចំនួន ១១០ ក្រុមគ្រួសារ ជាក្រុមគ្រួសារក្រីក្រ ជិតខ្សែបន្ទាត់នៃភាពក្រីក្រ។ ឆ្នាំ ២០២៤ ឃុំខិតខំឱ្យមានចំនួន ៥៥ ក្រុម គ្រួសាររួចផុតពីភាពក្រីក្រ៕
អត្ថបទនិងរូបថត៖ ហុងដៀប
បញ្ចូលទិន្នន័យ៖ លឺ ធីអៀនថាញ់
