ទោះបីមិននៅពេញនិយមដូចមុនក៏ដោយ ក៏ប៉ុន្តែក្នុងជីវភាពសម័យទំនើប ទម្រង់ឆាកល្ខោន ហាតបូយ នៅតែបង្កើតបានទីតាំងឈរជើងរឹងមាំជាមួយពេលវេលា។
ដោយមានគោលបំណងចង់ថែរក្សាតម្លៃប្រពៃណី សាលមហោស្រពសិល្បៈ ហាតបូយ ទីក្រុង ហូ ជីមិញ បានជំរុញការផ្សព្វផ្សាយ តំណភា្ជប់និងសម្តែង ហាតបូយ នៅតាមសាលារៀនមួយចំនួន ព្រមទាំងបន្តរក្សាកាលវិភាគកម្មវិធីសម្ដែងនៅមតកចេតិយមេទ័ពឆ្វេង លេ វ៉ាន់យ្វៀត (ខណ្ឌ ប៊ិញថាញ់) និង ថាវកឹមវៀន (ខណ្ឌ ១) ជាដើមនៅចុងសប្តាហ៍ម្តងៗ។
មុនពេលសម្តែង អង្គភាពឧស្សាហ៍រៀបចំផ្លាស់ប្តូរអំពីរបៀបស្លៀកពាក់តែងខ្លួនតួអង្គ សម្តែងឧបករណ៍តន្ត្រីជនជាតិជាដើម ដើម្បីទស្សនិកជនអាចស្វែងយល់និងស្រលាញ់ចូលចិត្តទម្រង់សិល្បៈប្រពៃណីដ៏វិសេសវិសាលនេះថែមទៀត។
យោងតាមសិល្បការិនីឆ្នើម ង៉ុកខាញ់ អ្នកធ្លាប់រួមដំណើរជាមួយនឹងនិស្សិតទាំងឡាយក្នុងកម្មវិធី ហាតបូយ ក្រោមប្រធានបទ "រក្សាភ្នក់ភ្លើងពាន់ឆ្នាំ" ហាតបូយ ក៏ដូចជាទម្រង់តន្ត្រីបុរាណមួយចំនួនផ្សេងទៀតកំពុងធ្លាក់ចូលក្នុងស្ថានភាពបាត់បង់សាបសូន្យ។
ទោះបីជាដូច្នោះ នៅមានមិនតិចយុវជនយុវនារីដែលអស់ពីចិត្តអស់ពីថ្លើមបានរៀបចំជាច្រើនសកម្មភាពឧទ្ទេសនាម ពាំនាំទម្រង់សិល្បៈប្រពៃណីខិតចូលកាន់តែជិតនឹងសាធារណជនថែមទៀត។ ប្រការនេះបង្ហាញឲ្យឃើញថា ក្មេងៗ ជំនាន់ក្រោយមិនដែលបែរខ្នងជាមួយនឹងទម្រង់សិល្បៈប្រពៃណីឡើយ ប្រសិនបើបានដាស់នឹងអភិវឌ្ឍឥតឈប់ឈរហើយរីកសាយភាយខ្លាំងក្លាក្នុងសហគមន៍៕
អត្ថបទ៖ ធូហឿង រូបថត៖ អានហៀវ
បញ្ចូនទិន្នន័យ៖ សិរីសួស្តី
