ត្រូវបានប្រារព្ធឡើងជារៀងរាល់ឆ្នាំ ចាប់ពីថ្ងៃទី ១៣ ដល់ ថ្ងៃទី ១៥ ខែមេសា (ឆ្នាំនេះថ្ងៃវិរៈវ័នបតកើនឡើងមួយថ្ងៃ ចាប់ពីថ្ងៃទី ១៣ ដល់ ថ្ងៃទី១៦ ខែមេសា) បុណ្យចូលឆ្នាំថ្មីគឺជាពិធីបុណ្យធំមួយមានអត្ថន័យយ៉ាងសំខាន់សម្រាប់ជនជាតិ ខ្មែរ ណាមបូ។
នៅថ្ងៃទី ១ នៃឱកាសបុណ្យចូលឆ្នាំ បងប្អូនជនរួមជាតិស្លៀកសម្លៀកបំពាក់យ៉ាងស្រស់ស្អាត នាំយកធូបទៀន គ្រឿងទេយ្យទាន ចង្ហាន់ នំចំណី ផ្លែឈើ ទៅប្រគេនព្រះសង្ឃ។ ក្រោមការណែនាំរបស់លោកគ្រូអាចារ្យ ពុទ្ធសាសនិកនាំគ្នាតម្រង់ជាជួរហើយដើរប្រទក្សិណព្រះវិហារ ៣ ជុំដើម្បីអបអរទទួលទេវតាឆ្នាំថ្មី។
នៅថ្ងៃទីពីរ (វិរៈវ័នបត) ក្រុមគ្រួសារនីមួយៗ នឹងធ្វើពិធីវេរចង្ហាន់ប្រគេនព្រះសង្ឃ។ ការតបមកវិញ ព្រះសង្ឃចម្រើនព្រះបរិតនិងប្រសិទ្ធិពរអោយរកស៊ីមានបាន ទ្រព្យធន់ហូរហៀរ។ ពេលល្ងាច បងប្អូនជនរួមជាតិមកជួបជុំគ្នានៅវត្តដើម្បីពូនភ្នំខ្សាច់ ដោយមានបំណងប្រាថ្នាភ្លៀងខ្យល់អំណោយផល រដូវកាលផ្តល់ផលទ្វេដង។
បងប្អូនជនជាតិ ខ្មែរ ប្រារព្ធពិធីកិច្ចដង្ហែរមហាសង្ក្រាន្តនិងព្រះសិរកបិលមហាព្រហ្មប្រទក្សិណជុំវិញព្រះវិហារទទួលឆ្នាំថ្មី នៅវត្តសិរីសុខុមសង្គមមានជ័យស្រឡូង ឃុំ ដាយតឹម ស្រុក មីស្វៀន (ខេត្ត សុកត្រាំង)
ប៉ុន្មានថ្ងៃចូលឆ្នាំថ្មី ជនជាតិ ខ្មែរ តែងតែស្លៀកសម្លៀកបំពាក់ស្អាតបំផុតដើម្បីអញ្ជើញទៅវត្តអារាមធ្វើបុណ្យទាន
ទិដ្ឋភាពរួមនៃពិធីបុណ្យចូលឆ្នាំថ្មីប្រពៃណីជាតិ ខ្មែរ នៅវត្តសិរីសុខុមសង្គមមានជ័យស្រឡូង ឃុំ ដាយតឹម ស្រុក មីស្វៀន (ខេត្ត សុកត្រាំង)
ការពូនភ្នំខ្សាច់ - ជាពិធីកិច្ចដ៏សំខាន់ក្នុងពិធីបុណ្យចូលឆ្នាំថ្មីប្រពៃណីជាតិ ខ្មែរ ណាមបូ ក្នុងគោលបំណងសុំសេចក្តីសុខ រំដោះគ្រោះ បង្សុកូលឧទ្ទិសដល់វិញ្ញាណក្ខន្ធអ្នកដែលបានចែកឋាន...
ប្រគេនគ្រឿងទេយ្យទាន ចង្ហាន់ នំបង្អែម ផ្លែឈើ...
...ការតបមកវិញ ព្រះសង្ឃចម្រើនព្រះបរិតនិងប្រសិទ្ធិពរអោយរកស៊ីមានបាន ទ្រព្យធន់ហូរហៀរ
មាមីងបងប្អូន ខ្មែរ ចូលរួមពិធីស្រង់ទឹកព្រះពុទ្ធបដិមា ដើម្បីសម្តែងការដឹងគុណូបការៈព្រះសមា្មសម្ពុទ្ធ លាងជម្រះនូវអព្វមង្គលក្នុងឆ្នាំចាស់និងសុំពរជ័យសិរីបង្គលក្នុងឆ្នាំថ្មី
ពិធីស្រង់ទឹកព្រះពុទ្ធបដិមាដោយសុគុន្ធវារីដើម្បីសម្តែងនូវការរំលឹកគុណូបការៈចំពោះព្រះសមា្មសម្ពុទ្ធក្នុងក្របខ័ណ្ឌនៃបុណ្យចូលឆ្នាំថ្មី
ថ្ងៃទីបី (វារៈឡើងស័ក) ក៏ជាថ្ងៃបញ្ចប់បុណ្យចូលឆ្នាំ បន្ទាប់ពីវេរប្រគេនចង្ហាន់ដល់ព្រះសង្ឃ ហើយបងប្អូនជនរួមជាតិប្រារព្ធធ្វើពិធីស្រង់ទឹកព្រះពុទ្ធបដិមា គោលបំណងសម្តែងការដឹងគុណូបការៈព្រះសមា្មសម្ពុទ្ធ លាងជម្រះនូវអព្វមង្គលក្នុងឆ្នាំចាស់និងសុំពរជ័យសិរីមង្គលក្នុងឆ្នាំថ្មី
បុណ្យចូលឆ្នាំថ្មីក៏ជាថ្ងៃដំបូងនៃឆ្នាំថ្មី រដូវកាលថ្មី ក៏ជាថ្ងៃសប្បាយរីករាយរបស់បងប្អូនជនជាតិ ខ្មែរ ណាមបូ ផងដែរ។ ដោយមានទំនៀមទម្លាប់ដ៏ល្អឯកជាច្រើន បុណ្យចូលឆ្នាំថ្មីបានក្លាយទៅជាបេតិកភណ្ឌវប្បធម៌ដ៏វិសេសវិសាលរបស់ជនជាតិ ខ្មែរ ទាក់ទាញការចាប់អារម្មណ៍ពីភ្ញៀវទេសចរជាច្រើន៕
អត្ថបទនិងរូបថត៖ ឡេ អៀនថាញ់
ប្រែសម្រួលដោយ៖ សឺនហេង
កាសែតរូបភាពជនជាតិនិងតំបន់ភ្នំ
