កងទ័ពនិងប្រជាជនចិត្តមួយថ្លើមមួយថែរក្សាព្រំដែនសមុទ្រ

ធូហឿង - អានហៀវ

24/12/2024 09:44

កម្មាភិបាល យុទ្ធជនប៉ុស្តិ៍ការពារព្រំដែន ទ្រុងប៊ិញ យាមល្បាត ត្រួតពិនិត្យ ថែរក្សារឹងមាំអធិបតេយ្យភាពដែនសមុទ្រ សណ្តាប់ធ្នាប់ សុវត្ថិភាពសង្គមនៅក្នុងតំបន់ផែត្រី ត្រឹនដេ ស្រុក ត្រឹនដេ

ក្នុងប៉ុន្មានឆ្នាំកន្លងទៅ គណៈកម្មាធិការបក្ស បញ្ជាការដ្ឋានកងទ័ពការពារព្រំដែនខេត្ត សុកត្រាំង បានផ្តោតការដឹកនាំ បង្គាប់ការគណៈកម្មាធិការបក្ស បញ្ជាការគ្រប់លំដាប់ថ្នាក់អនុវត្តល្អប្រសើរទិសស្លោក "ច្បាមទាំង ៣ ជាមួយគ្នាទាំង ៤" (ច្បាមអង្គភាព ច្បាមភូមិសាស្ត្រ ច្បាមគោលការណ៍គោលនយោបាយ ហូបបាយជាមួយគ្នា រស់នៅជាមួយគ្នា ធ្វើការជាមួយគ្នា និយាយភាសាបងប្អូនជនជាតិជាមួយគ្នា) ដើម្បីជិតស្និទ្ធជាមួយប្រជាជន យល់ប្រជាជន គិតគូរដល់ប្រជាជនរួមដៃគ្នាថែរក្សាព្រំដែនសមុទ្រ។ល។ យ៉ាងពិតប្រាកដ។

ខេត្ត សុកត្រាំង មានផ្ទៃក្រឡាដែនសមុទ្រប្រហែល ៣០.០០០ គីឡូម៉ែត្រការ៉េ ដោយមានឆ្នេរសមុទ្រប្រវែង ៧២ គីឡូម៉ែត្រ។ តំបន់ព្រំដែនសមុទ្រនៃខេត្តមានឃុំ សង្កាត់ ទីរួមស្រុកចំនួន ១១ ចំណុះបណ្តាស្រុក គូឡាវយុង ត្រឹនដេ និងទីរួមខេត្ត វិញចូវ រួមមានជនជាតិចំនួន ៣ គិញ ខ្មែរ ចិន រស់នៅ ចម្រុះលាយឡំជាមួយគ្នា ក្នុងនោះជនជាតិ ខ្មែរ ស្មើនឹងអត្រាចំនួន ៤៩,៥៤% ជនជាតិ ចិន ស្មើនឹងអត្រាចំនួន ១៣,៩៩%។ ជីវភាពប្រជាជនតំបន់ព្រំដែន សមុទ្រជាចម្បងធ្វើកសិកម្មនិងនេសាទ វារីវប្បកម្ម។

ដើម្បីបង្ការ រកឃើញនិងចាត់ការឧក្រិដ្ឋជនទាន់ពេលវេលា កម្មាភិបាល យុទ្ធជនប៉ុស្តិ៍ការពារព្រំដែន ឡាយហ្វា សហការ ជាមួយកងកម្លាំងនគរបាល កងសេនាជនយាមល្បាត ត្រួតពិនិត្យភូមិសាស្ត្រព្រំដែនសមុទ្រទីរួមខេត្ត វិញចូវ ជាប្រចាំ

លោកវរសេនីយ៍ឯក ឡេ វ៉ាន់អាញ់ អនុប្រធានអគ្គស្នងការនយោបាយ កងទ័ពការពារព្រំដែនខេត្ត សុកត្រាំង បានឲ្យដឹងថា នាពេលកន្លងទៅ គណៈកម្មាធិការបក្ស មេបញ្ជាការកងទ័ពការពារព្រំដែនខេត្ត សុកត្រាំង តែងតែបុរេសកម្មផ្ដល់សេនាធិការជូនគណៈកម្មាធិការបក្សខេត្ត គណៈ កម្មាធិការប្រជាជនខេត្ត គណៈកម្មាធិការបក្ស បញ្ជាការដ្ឋានកងទ័ពការពារព្រំដែន គណៈកម្មាធិការបក្ស អាជ្ញាធរមូលដ្ឋានសហការជាមួយមន្ទីរ គណៈកម្មការផ្នែក អង្គការមហាជន កងកម្លាំងមានពាក់ព័ន្ធទាំងឡាយអនុវត្តការងារគ្រប់គ្រង ការពារអធិបតេយ្យភាពសន្តិសុខព្រំដែនតំបន់សមុទ្រ ថែរក្សាសន្តិសុខនយោបាយ សណ្តាប់ធ្នាប់ សុវត្ថិភាពសង្គម ចូលរួមអភិវឌ្ឍសេដ្ឋកិច្ច វប្បធម៌ សង្គម កសាងជនបទថ្មី កាត់បន្ថយភាពក្រីក្រប្រកបដោយនិរន្តរភាព កសាងប្រព័ន្ធនយោបាយ កសាងតំបន់ព្រំដែនសមុទ្ររឹងមាំ។

"នាពេលខាងមុខគណៈកម្មាធិការបក្ស បញ្ជាការដ្ឋានកងទ័ពការពារព្រំដែនខេត្តនឹងបន្តដឹកនាំឃោសនា អប់រំប្រជាជនគោរពតាមគោលការណ៍ មាគ៌ារបស់បក្ស គោលនយោបាយ ច្បាប់របស់រដ្ឋបានល្អនិងសកម្មចូលរួមជាមួយកងកម្លាំងកងទ័ពការពារព្រំដែនគ្រប់គ្រង ការពារអធិបតេយ្យភាពដែនសមុទ្រ ថែរក្សាសន្តិសុខនយោបាយ សណ្តាប់ធ្នាប់សុវត្ថិភាព សង្គម កសាងតំបន់ព្រំដែនសមុទ្រខេត្ត សុកត្រាំង ដ៏រឹងមាំ។ល។" - លោកវរសេនីយ៍ឯក ឡេ វ៉ាន់អាញ់ អនុប្រធានអគ្គស្នងការនយោបាយ កងទ័ពការពារព្រំដែនខេត្ត សុកត្រាំង។

គណៈកម្មាធិការបក្ស បញ្ជាការដ្ឋានកងទ័ពការពារព្រំដែន ខេត្តបង្គាប់ ការស្ថាប័ន អង្គភាពអនុវត្តគំរូជួយប្រជាជនអភិវឌ្ឍសេដ្ឋកិច្ច - សង្គមមាន ប្រសិទ្ធភាពនៅលើភូមិសាស្ត្រ ជាតួយ៉ាងគឺចលនា "កងទ័ពការពារព្រំដែន រួមកម្លាំងកសាងជនបទថ្មី" "កងទ័ពការពារ ព្រំដែនរួមដៃគ្នា ដើម្បីអ្នកក្រ មិនទុកអោយនរណាម្នាក់ត្រូវបោះបង់ចោលនៅខាងក្រោយឡើយ" កម្មវិធី "រួមដំណើរជាមួយស្ត្រីជាយដែន" កម្មវិធី "និទាឃរដូវការពារព្រំដែនផ្តល់ភាព កក់ក្តៅដល់បេះដូងអ្នកភូមិ" គំរូ "កូនធម៌ប៉ុសិ៍្តការពារព្រំដែន" កម្មវិធី "ទ្រជំហានជូនប្អូនៗ ទៅសាលារៀន" គំរូ "គោពូជជូនអ្នកក្រ"។ល។

កម្មាភិបាល យុទ្ធជនប៉ុស្តិ៍ការពារព្រំដែន ទ្រុងប៊ិញ ឃោសនា ចលនាប្រជានេសាទគោរពបណ្តាបទបញ្ញត្តិយ៉ាងម៉ឺងម៉ាត់ជាប្រចាំក្នុងសកម្មភាពជលផល មិនបំពានលើ IUU (សកម្មភាពនេសាទខុសច្បាប់ គ្មានរបាយការណ៍និងគ្មានការត្រួតពិនិត្យ) នៅតំបន់កំពង់ផែសមុទ្រ ត្រឹនដេ ស្រុក ត្រឹនដេ

ឆ្លងតាមរយៈគំរូនានា ចាប់ពីឆ្នាំ ២០១៩ រហូតមកទល់ពេលនេះ ស្ថាប័ន អង្គភាពនៃកងទ័ពការពារព្រំដែនខេត្តសហការជាមួយគណៈកម្មការផ្នែកសង់ជូន "លំនៅឋានមហាសាមគ្គី" ចំនួន ៤៨ ខ្នង "លំនៅឋានមិត្តរួមកងជួរ" ចំនួន ១៤ ខ្នង តម្លៃសរុបជាង ៣,៥ ពាន់លានដុង ពិនិត្យព្យាបាលជំងឺនិងផ្ដល់ថ្នាំពេទ្យដោយឥតគិតថ្លៃជិត ២៥ ពាន់លើកនាក់ តម្លៃជិត ១ ពាន់លានដុង។ ប្រគល់ជូនអំណោយរាប់ពាន់ចំណែកអាហារូបករណ៍រាប់រយកញ្ចប់ដល់សិស្ស សាលាក្រីក្រជម្នះការលំបាកនិងគ្រួសារ គោលនយោបាយនៅលើភូមិសាស្ត្រ។ល។

ប៉ុស្តិ៍ការពារព្រំដែន ឡាយហ្វា បានអនុវត្តកម្មវិធី កិច្ចការងារដ៏មានអត្ថន័យជាច្រើន រួមដំណើរជាមួយមាមីងបងប្អូនមានស្ថានភាពលំបាកលំបិននៅតំបន់ព្រំដែនសមុទ្រ ទីរួមខេត្ត វិញចូវ

ចលនា "ប្រជាជនទាំងអស់ចូលរួមការពារអធិបតេយ្យភាពទឹកដី សន្តិសុខព្រំដែនជាតិក្នុងស្ថានភាពថ្មី" ផ្សារភ្ជាប់ជាមួយនឹងគំរូបក្ខជនប៉ុស្តិ៍ការពារព្រំដែន ចូលរួមសកម្មភាពសាខាបក្សនិគម ភូមិនិងទទួលបន្ទុកក្រុមគ្រួសារនៅតំបន់ព្រំដែនសមុទ្របាននាំមកនូវគុណភាព ប្រសិទ្ធភាពជាក់ស្តែង រួមចំណែកកសាងក្បួនយុទ្ធសាស្ដ្រប្រជាជាតិទាំងមូលការពារជាតិ ក្បួនយុទ្ធសាស្ដ្រសន្តិសុខប្រជាជន និងក្បួនយុទ្ធសាស្ដ្រប្រជាជនទាំងមូល ការពារព្រំដែនរឹងមាំ។

កម្មវិធី "សំឡេងឧគ្ឃោសនសព្ទការពារព្រំដែន" "ក្រុមកិច្ចការភូមិសាស្ត្រ" បានពាំនាំចំណេះដឹង ព័ត៌មានចាំបាច់ដល់គ្រប់ៗ ច្រកល្ហក គ្រប់ៗ ផ្ទះ មនុស្សគ្រប់ៗ រូបឆ្លងតាមរយៈនោះកសាងប្រព័ន្ធនយោបាយមូលដ្ឋាន បង្កើនការសាមគ្គីភាពកងទ័ពនិងប្រជាជនរាប់អានគ្នា ស្អិតល្មួត។ ឆ្នាំ ២០២៤ បញ្ជាការដ្ឋានកងទ័ពការពារព្រំដែនខេត្តបានឃោសនាដោយកន្លែង ដល់ក្រុមគ្រួសារចំនួន ៣.៩០០ លើក មធ្យោបាយចំនួន ៩៨០ គ្រឿងក្នុងចំណោមនាវិក ចំនួន ១០.១០០ នៅតំបន់ព្រំដែនសមុទ្រ ឃោសនានៅតាមឧបករណ៍ផ្សាយសំឡេងបានចំនួន ៥៤៥ ដងនៅឃុំ សង្កាត់ ទីរួមស្រុកតំបន់ព្រំដែនសមុទ្រចំនួន ១១ ផ្សព្វផ្សាយ ប្រមូលផ្តុំចំនួន ៩៧ ដងក្នុងចំណោម ៥.៨៩០ លើកអ្នកស្តាប់ជាដើម៕

អត្ថបទ៖ ធូហឿង រូបថត៖ អានហៀវ
ប្រែសម្រួលនិងបញ្ចូលទិន្នន័យ៖ សិរីសួស្តី

(កាសែតរូបភាពនិងតំបន់ភ្នំ)